06. Shatkosha Prakasam

षष्ठोऽध्यायः

षट्कोशप्रकाशः
ṣaṣṭho'dhyāyaḥ
ṣaṭkośaprakāśaḥ

Sixth Chapter

श्रीः-

पूर्णस्तिमितषाड्गुण्यचिदानन्दमहोदधेः।

अहंताहं हरेराद्या निस्तरङ्गार्णवाकृतेः॥ १॥

śrīḥ-

pūrṇastimitaṣāḍguṇyacidānandamahodadheḥ |
ahaṁtāhaṁ harerādyā nistaraṅgārṇavākṛteḥ || 1 ||

I am the Ahanta of SriHari who is tranquil like a waveless ocean, in whom all the six gunas are completely exist, who is the ocean of cidanada

साहमेवंविधा शुद्धा क्वचिदुच्छूनतां गता।

सिसृक्षालक्षणा देवी स्वतन्त्रा सच्चिदात्मिका॥ २॥

sāhamevaṁvidhā śuddhā kvaciducchūnatāṁ gatā |

sisṛkṣālakṣaṇā devī svatantrā saccidātmikā || 2||

I am of such a manner that I am pure (suddha), independent(svatantra), capable of going anywhere high and low, devi, with the intention to create..

षट्कोशतां समापद्ये सत्ताहं वैष्णवी परा।
शक्तिर्माया प्रसूतिश्च प्रकृतिस्त्रिगुणात्मिका॥ ३॥

ṣaṭkośatāṁ samāpadye sattāhaṁ vaiṣṇavī parā |

śaktirmāyā prasūtiśca prakṛtistriguṇātmikā || 3 ||

I am Vaishnavi, take six type of khosas(bodies). Sakthi, maya, prasuti, the prakriti with its three gunas..

ब्रह्माण्डं जीवदेहश्चेत्येते षट्कोशसंज्ञिताः।

सिसृक्षा या परा विष्णोरहंतायाः समुद्गता॥ ४॥

brahmāṇḍaṁ jīvadehaścetyete ṣaṭkośasaṁjñitāḥ |

sisṛkṣā yā parā viṣṇorahaṁtāyāḥ samudgatā || 4 ||

brahmandam and jivadeham(living body) are those six khosas. From Vishnu's ahantha(i.e Lakshmi)  the wish to create all these things rises out

शक्तिः सा प्रथमः कोशः शुद्धमार्गप्रवर्तनी।

कोशः कुलायपर्यायः शरीरापरनामवान्॥ ५॥

śaktiḥ sā prathamaḥ kośaḥ śuddhamārgapravartanī |

kośaḥ kulāyaparyāyaḥ śarīrāparanāmavān|| 5 ||

Sakthi is the first and prominent on of the six khosas which is based on SuddhaShrusti (Pure Creation). Kosam is a synonym / or an alternative (paryaya) for kulayam (nest/receptacle/dwelling place). Another name is Sareera(Body)

शुद्धेऽस्मिंन् प्रथमे कोशे प्रथमोन्मेषलक्षणे।

अहंमानी परो ह्यासीद्देवः संकर्षणः प्रभुः॥ ६॥

śuddhe'smiṁn prathame kośe prathamonmeṣalakṣaṇe |

ahaṁmānī paro hyāsīddevaḥ saṁkarṣaṇaḥ prabhuḥ || 6 ||

The first khosa is the first characteristic of the creation. The first Khosa is Samkarshana, the pure , egoistic, eternal, deva and  prabhu.

तिलकालकवत्तत्र विकारो मसृणः स्थितः।

तस्याहंता तु या देवी साहं सांकर्षणी परा॥ ७॥

tilakālakavattatra vikāro masṛṇaḥ sthitaḥ |

tasyāhaṁtā tu yā devī sāhaṁ sāṁkarṣaṇī parā || 7 ||

Like the black moles on the skin the creation exists in Samkarshana without any change (without doing work). I am his thought "I" (ahanta)  and I am his devi, called Sangarshini, the great.

श्रीरित्येव समाख्याता विज्ञानबलशालिनी।

यस्तस्या मे समुन्मेषः प्रद्युम्नः स तु कीर्त्यते॥ ८॥

śrīrityeva samākhyātā vijñānabalaśālinī |

yastasyā me samunmeṣaḥ pradyumnaḥ sa tu kīrtyate || 8 ||

When i am full of Vijnana and Balam, I am known as ShrI. That which arising out of me (As shri) is Prathymna

संकर्षणस्य देवस्य शक्तिकोशाभिमानिनः।

बुद्धित्वे वर्तते देवः प्रद्युम्नः पुरुषोत्तमः॥ ९॥

saṁkarṣaṇasya devasya śaktikośābhimāninaḥ |

buddhitve vartate devaḥ pradyumnaḥ puruṣottamaḥ || 9 ||

The abhimana deva of Sakthi Kosam is Samkarshana. The mind (buddhi) of samkarshana  is Prathyumna, the purushottama

भोक्तृभोग्यसमष्टिस्तु निलीना तत्र तिष्ठति।

मनोभूतस्य देवस्य तस्याहंता तु या स्मृता॥१०॥

bhoktṛbhogyasamaṣṭistu nilīnā tatra tiṣṭhati |

manobhūtasya devasya tasyāhaṁtā tu yā smṛtā ||10||

The enjoyers as well as the enjoyed stand hidden (without movement) in him. I am the Buddhi's abhimana deva Prathymna's thought of "I"(ahantha).

साहं सरस्वती नाम वीर्यैश्वर्यविवर्तिनी।

यो मे तस्याः समुन्मेषः सोऽनिरुद्धः प्रकीर्तितः॥ ११॥

sāhaṁ sarasvatī nāma vīryaiśvaryavivartinī |

yo me tasyāḥ samunmeṣaḥ so'niruddhaḥ prakīrtitaḥ || 11 ||

When I am full of Viryam and Aiswaryam, I am called Saraswati. That which is arising out of me (as sarawati) is known Aniruddha

तस्य संकर्षणस्याहमहंकारविधौ स्थिता।

संकर्षणादयो देवास्त्रय एते पुरातनाः॥ १२॥

tasya saṁkarṣaṇasyāhamahaṁkāravidhau sthitā |

saṁkarṣaṇādayo devāstraya ete purātanāḥ || 12 ||

This aniruddha is samkarshana's Ahamkara. The three devas Samharshana, Prathyumna and Aniruddha are very ancient..

जीवो बुद्धिरहंकार इति नाम्ना प्रकीर्तिताः।

नैवैते प्राकृता देवाः किंतु शुद्धचिदात्मकाः॥१३॥

jīvo buddhirahaṁkāra iti nāmnā prakīrtitāḥ |

naivaite prākṛtā devāḥ kiṁtu śuddhacidātmakāḥ ||13 ||

and are known as Jiva, Buddhi & ahamkara. Know that these three devas are not of this world(not controlled by the lower three gunas) and are of pure intellect

आदिव्यूहस्य देवस्य वासुदेवस्य दीव्यतः।

तत्तत्कार्यकरत्वेन तत्तन्नाम्ना निरूपिताः॥ १४॥

ādivyūhasya devasya vāsudevasya dīvyataḥ |

tattatkāryakaratvena tattannāmnā nirūpitāḥ || 14 ||

AdhiVyuha,bhagavan Vasudeva's divinity, (the other three vyuhas) get their name based on the acts that they perform

सर्वे ते षड्गुणाः प्रोक्ताः सर्वे ते पुरुषोत्तमाः।

पूर्णस्तिमितषाड्गुण्यसदानन्दमहोदधेः॥ १५॥

sarve te ṣaḍguṇāḥ proktāḥ sarve te puruṣottamāḥ |

pūrṇastimitaṣāḍguṇyasadānandamahodadheḥ || 15 ||

They all have six gunas (two each) and all of them are purushottamas, there is one who is always in ocean of ananda in whom six gunas exist together

षण्णां युगपदुन्मेषो गुणानां कार्यवत्तया।

योऽभूत्स वासुदेवस्तु व्यूहः प्रथमकल्पितः॥ १६॥

ṣaṇṇāṁ yugapadunmeṣo guṇānāṁ kāryavattayā |

yo'bhūtsa vāsudevastu vyūhaḥ prathamakalpitaḥ || 16||

The one arising out of the six gunas together is the vyuha of Vasudeva, the first conception

तस्य शान्तिरहंता तु साहं शक्तिः प्रकीर्तिता।

शक्तिकोशस्थिता देवाः सूयन्ते यत्र चिन्तिताः॥ १७॥

tasya śāntirahaṁtā tu sāhaṁ śaktiḥ prakīrtitā |

śaktikośasthitā devāḥ sūyante yatra cintitāḥ || 17 ||

That Vasudeva's ahantha is me , Shanthi. I am called Sakthi in this state. I guide the (reflecting) devas in the sakthi kosha(sankarshana, pradymna & aniruddha)

अनिरुद्धस्य याहंता रतिरित्येव संज्ञिता।

सैव देवी महालक्ष्मीर्मायाकोशः स उच्यते॥ १८॥

aniruddhasya yāhaṁtā ratirityeva saṁjñitā |

saiva devī mahālakṣmīrmāyākośaḥ sa ucyate || 18 ||

The Ahantha of Aniruddha is known as Rathi. That devi is mahalakshmi. She is called Mayakosam

महालक्ष्म्या य उन्मेषो मायाया गुणसंज्ञितः।

महाकालीमहाविद्याद्वयं संपरिकीर्त्यते॥ १९॥

mahālakṣmyā ya unmeṣo māyāyā guṇasaṁjñitaḥ |

mahākālīmahāvidyādvayaṁ saṁparikīrtyate || 19 ||

When Mahalakshmi wakes up with Maya Gunas, she is called by two names viz.,Maha Kali and Maha Vidya

महालक्ष्मीमहामायामहाविद्यामयो महान्।

प्रशूतिर्नाम कोशो मे तृतीयः परिपट्यते॥ २०॥

mahālakṣmīmahāmāyāmahāvidyāmayo mahān |

praśūtirnāma kośo me tṛtīyaḥ paripaṭyate || 20 ||

Prasuti named kosha is great and it holds all the three states(mayas) of Mahaalakshmi, Mahamaayaa and mahaaVidyaa.

त्रीण्यत्र मिथुनान्यासन् यानि पूर्वोदितानि ते।

प्रधानं सलिलीकृत्य यच्छेते पुरुषोत्तमः॥ २१॥

trīṇyatra mithunānyāsan yāni pūrvoditāni te |

pradhānaṁ salilīkṛtya yacchete puruṣottamaḥ || 21 ||

In Prasuuti kosa, the three pairs, as explained earlier, exists. Pradhanam was changed to water and purushottaman was resting on it

सा प्रोक्ता प्रकृतिर्योनिर्गुणसाम्यस्वरूपिणी।

विरिञ्चोऽजनयद्यद्वै पूर्वमण्डं स्वमात्मनि॥ २२॥

sā proktā prakṛtiryonirguṇasāmyasvarūpiṇī |

viriñco'janayadyadvai pūrvamaṇḍaṁ svamātmani || 22 ||

It is called prakriti. The base of all where all the gunas exists equally.Brahma(Vrinji) created the cosmic egg

तदेके प्रकृतिं प्राहुस्तत्त्वशास्त्रविशारदाः।

महदाद्यैः पृथिव्यन्तैरण्डं यन्निर्मितं सह॥ २३॥

tadeke prakṛtiṁ prāhustattvaśāstraviśāradāḥ |

mahadādyaiḥ pṛthivyantairaṇḍaṁ yannirmiītaṁ saha || 23 ||

That single cosmic egg is called Prakriti by the people proficient in sastras. At the time of creation, this cosmic egg consists of  all the various things/ states starting from Mahat and ending in Prithvi

तद्भ्रह्माण्डमिति प्रोक्तं यत्र ब्रह्मा विराडभूत्।

अङ्गप्रत्यङ्गयुक्तं यच्छरीरं जीविनामिह॥ २४॥

tadbhrahmāṇḍamiti proktaṁ yatra brahmā virāḍabhūt|

aṅgapratyaṅgayuktaṁ yaccharīraṁ jīvināmiha || 24 ||

That is called Brahmandam. Brahma is its king. The body with limbs and section is known as jiva.

एषा कोशविधा षष्ठी क्रमशस्तनुतां गता।

अवरोहाः षडेते मे पूर्णायाः परिकीर्तिताः॥२५॥

eṣā kośavidhā ṣaṣṭhī kramaśastanutāṁ gatā |

avarohāḥ ṣaḍete me pūrṇāyāḥ parikīrtitāḥ ||25||

Like this in the six types of Koshas I fully enter in all of them and exists in them

आद्ये कोशे स्वयं देवस्त्रिधैवाहंतया स्थितः।

पञ्चस्वन्येषु कोशेषु जीवा नानाविधाः स्थिताः॥ २६॥

ādye kośe svayaṁ devastridhaivāhaṁtayā sthitaḥ |

pañcasvanyeṣu kośeṣu jīvā nānāvidhāḥ sthitāḥ || 26 ||

In the first Kosha(Sakthi), vasaudeva himself is the Ahantha of the other three vyuhas(samkarshana,prathyumna & aniruddha). In the other five koshas the jivas exist in various ways(differently)

शुभाशुभविभागोत्थां भजन्ते विविधां दशाम्।

दिव्यास्तिस्रस्त्रयस्तासां मिथुनानि च यानि तु॥ २७॥

śubhāśubhavibhāgotthāṁ bhajante vividhāṁ daśām |

divyāstisrastrayastāsāṁ mithunāni ca yāni tu || 27 ||

The jivas depending on their good and bad acts enjoy the different life conditions. From these koshas, three celestial vyuhas and three pairs come into existance

अण्डमध्येऽवताराश्च तासां तेषां च ये स्मृताः।

स्वातन्त्र्यनिर्मितास्त्वेते नैव कर्मवशानुगाः॥२८॥

aṇḍamadhye'vatārāśca tāsāṁ teṣāṁ ca ye smṛtāḥ |

svātantryanirmitāstvete naiva karmavaśānugāḥ ||28||

The above births (of vyuhas & pairs) that happen inside the cosmic egg are due to my independent thought and not due to their good/bad actions(karma)

अप्राकृताश्च ते देहा उभयेषां प्रकीर्तिताः।

अन्ये पञ्चसु कोशेषु देवाद्याः स्थावरान्तिमाः॥ २९॥

aprākṛtāśca te dehā ubhayeṣāṁ prakīrtitāḥ |

anye pañcasu kośeṣu devādyāḥ sthāvarāntimāḥ || 29 ||

The body of these are not made of materials of prakriti. From the other five khosas, starting from devas  ending with inanimate onjects like grass etc

नानास्थानजुषो जीवाः कर्मभिः संसरन्ति ये।

अधिकारक्षयं नीत्वा शुभपाकवशादिमे॥ ३०॥

nānāsthānajuṣo jīvāḥ karmabhiḥ saṁsaranti ye |

adhikārakṣayaṁ nītvā śubhapākavaśādime || 30 ||

Take different states due to their Karma (good/bad actions) they go round (in circle of births). Out of them some get out of this karma by leading the path of good and honest

संप्राप्य ज्ञानभूयस्त्वं योगक्षपितकल्मषाः।

आरोहन्ति शनैः कोशानारूढा न पतन्ति ते॥३१॥

saṁprāpya jñānabhūyastvaṁ yogakṣapitakalmaṣāḥ |

ārohanti śanaiḥ kośānārūḍhā na patanti te ||31||

and attain jnana. Their yoga destroy their blemishes(sins). Then they slowly go up one kosha after another and do not fall down

सत्यलोकात्प्रभृत्येते यां भूमिमधिरोहिताः।

पुनस्ते न निवर्तन्ते तिष्ठन्त्यूर्ध्वं व्रजन्ति वा॥ ३२॥

satyalokātprabhṛtyete yāṁ bhūmimadhirohitāḥ |

punaste na nivartante tiṣṭhantyūrdhvaṁ vrajanti vā || 32 ||

Those who have ascended from earth are placed in Sathya loka. They dont come back. Either they stay there or ascend further

शक्रः-

क्षीरोदसंभवे देवि पद्मनाभकुटुम्बिनि।
जीवः को नाम तद् ब्रूहि नमस्ते पद्मसंभवे॥३३॥

śakraḥ-

kṣīrodasaṁbhave devi padmanābhakuṭumbini |
jīvaḥ ko nāma tad brūhi namaste padmasaṁbhave ||33||

Chakra:-

Born from Milk Ocean(kshirodha), devi, consort of Padmanabha, Born from Lotus, I bow to you. Kindly explain to me about who is Jiva

श्रीः-

पूर्णाहंता हरेराद्या साहं सर्वेश्वरी परा।
तस्याः स्मृताश्चतस्रो मे दशास्त्रिदशपुंगव॥ ३४॥

śrīḥ-

pūrṇāhaṁtā harerādyā sāhaṁ sarveśvarī parā |
tasyāḥ smṛtāścatasro me daśāstridaśapuṁgava || 34 ||

MahaLakshmi :-

O Chief of gods (tridasapungava), I , ancient and Sarveshwari, is Sri Hari's Ahantha. His thought of "I"  exists in four different states

प्रमातेति विधा त्वेका तदन्तःकरर्णं परा।

बहिः करणमन्या च चतुर्थी भावभूमिका॥३५॥

pramāteti vidhā tvekā tadantaḥkararṇaṁ parā |

bahiḥ karaṇamanyā ca caturthī bhāvabhūmikā||35||

The first state is Pramata - knower, the other is anthakaranam(mind,intellect,ahankara). The third is bahikaranam(consisting of the jnanendrityams and karmendriyams) and the fourth BhavaBhumika (the universe)

प्रमाता चेतनः प्रोक्तो मत्संकोचः स उच्यते।

अहं हि देशकालाद्यैरपरिच्छेदमीयुषी॥ ३६॥

pramātā cetanaḥ prokto matsaṁkocaḥ sa ucyate |

ahaṁ hi deśakālādyairaparicchedamīyuṣī || 36 ||

Pramata indicates chetana(soul / atma). I am not measurable by time or place etc and I am not bound.

स्वातन्त्र्यादेव संकोचं भजाम्यजहती स्वताम्।

प्रथमस्तत्र संकोचः प्रमातेति प्रकीर्त्यते॥ ३७॥

svātantryādeva saṁkocaṁ bhajāmyajahatī svatām |

prathamastatra saṁkocaḥ pramāteti prakīrtyate || 37 ||

On my own free will(svatantra) I bind myself in these things and the first of such binding is called pramata. (refer previous sloka he is still different and unbound)

चिदात्मनि यथा विश्वं मयि लीनमवस्थितम्।

प्रमातरि तथैवैतद्दर्पणोदरशैलवत्॥ ३८॥

cidātmani yathā viśvaṁ mayi līnamavasthitam |

pramātari tathaivaitaddarpaṇodaraśailavat || 38 ||

The whole world is contained in me. The world is contained in pramata also like a mountain contained by a mirror

ऐकरूप्यं द्विरूपत्वं त्रिरूपत्वं चतुर्भिदाम्।

सप्तपञ्चकरूपत्वं प्रमाता यत्प्रपद्यते॥ ३९॥

aikarūpyaṁ dvirūpatvaṁ trirūpatvaṁ caturbhidām |

saptapañcakarūpatvaṁ pramātā yatprapadyate || 39 ||

Pramata takes Identity(aikaroopyam), dual , tri, four and thirty five different forms

प्रकाशेनात्मनो ह्येको ग्राह्यग्राहकतावशात्।

द्वैरूप्यं तत्त्रिरूपत्वं ज्ञानाकारक्रियात्मना॥ ४०॥

prakāśenātmano hyeko grāhyagrāhakatāvaśāt |

dvairūpyaṁ tattrirūpatvaṁ jñānākārakriyātmanā || 40 ||

When it expresses itself as Jiva, it is one. As perceiver and perceived it is two. As jnana, form(akara) and work becomes three

सप्तपञ्चकरूपत्वं तत्तत्तत्त्वस्थितौ स्थितम्।

saptapañcakarūpatvaṁ tattattattvasthitau sthitam |
Like this with various tathvas it becomes thirty five in total

शक्रः-

कानि तत्त्वानि पद्माक्षि कति कीदृग्विधानि च्॥४१॥
एतत्पृष्टा मया ब्रूहि नमस्ते सिन्धुसंभवे।

śakraḥ-
kāni tattvāni padmākṣi kati kīdṛgvidhāni c ||41||
etatpṛṣṭā mayā brūhi namaste sindhusaṁbhave |

Chakra:- Mahalakshmi, with eyes like lotus, came out of ksheerapthi, I bow thee. Kindly tell me which are these 35 tathvas? what are their properties?

श्रीः-

स्थूलसूक्ष्मविभेदेन भूतानि दश खानि च॥४२॥
ज्ञानकर्मविभेदेन त्रण्यिन्तःकरणानि च।
प्रकृतिश्च प्रसूतिश्च माया सत्त्वं रजस्तमः॥ ४३॥
कालश्च नियतिः शक्तिः पुरुषः परमं नभः।
भगवानिति तत्त्वानि सात्त्वताः समधीयते॥४४॥
śrīḥ-

sthūlasūkṣmavibhedena bhūtāni daśa khāni ca||42||

jñānakarmavibhedena traṇyintaḥkaraṇāni ca |
prakṛtiśca prasūtiśca māyā sattvaṁ rajastamaḥ || 43 ||
kālaśca niyatiḥ śaktiḥ puruṣaḥ paramaṁ nabhaḥ |
bhagavāniti tattvāni sāttvatāḥ samadhīyate||44||

Mahalakshmi:- 
Sathvathas hold that they are ten tangible (Sthoola) and intangible (sukshma) matter, ten jnana and karma indriyas, three anthakaranams(mind,intellect and ahamkara), Prakrithi, Prasooti,Maya, (three gunas )Sathva, Rajas and Tamas, Kala, niyati,sakthi,purusham, Paramam, Nabha and Bhagavan

शक्रः-

मया श्रुतानि तत्त्वानि त्वद्वक्त्रसरसीरुहात्।
व्याचक्ष्वैतानि मे देवि नमस्ते सरसीरुहे॥४५॥

śakraḥ-

mayā śrutāni tattvāni tvadvaktrasarasīruhāt |
vyācakṣvaitāni me devi namaste sarasīruhe ||45||

Chakra:

O lakshmi, born out of Lotus, I bow to thee. I learnt about these tatvas from you. Kindly further explain them to me

इति श्रीपाञ्चरात्रसारे लक्ष्मीतन्त्रे षट्कोशप्रकाशो नाम षष्ठोऽध्यायः

iti śrīpāñcarātrasāre lakṣmītantre ṣaṭkośaprakāśo nāma ṣaṣṭho'dhyāyaḥ

Thus ends the sixth chapter named Six Khosa exposition in Lakshmi Tantra of Pancharatra Saram